"Иманды ұл, инабатты қыз-өмір көркі " тақырыбында дөңгелек үстел

Өзін өзі басқару ұйымының ұйымдастыруымен Ұлттық тәрбие бағыты бойынша   "Иманды ұл, инабатты қыз-өмір көркі " тақырыбында дөңгелек үстел  өтті. Шараға мектебіміздің 6-11 сынып оқушылары қатысты. 
Шараны тәрбие ісі меңгерушісі А Абзалбекова кіріспе сөзімен бастап, имандылық – адамның барлық іс-әрекетінен, мінез-құлқынан,аңғарылып тұратынын және де иманды ұл,инабатты қыз адамгершілігі мол, мейірбан,кісіге жәрдемдесуге әзір тұратын, кішіпейіл секілді асыл қасиеттері болатынын түсіндіріп өтті. Өнеге сағатында екі топқа бөлінген оқушылар ,ұл мен қыз балаға тән қасиеттері туралы ойларымен бөлісті.  
Шараның мақсаты: оқушылардың бойына ізеттілік, имандылық секілді құндылықтарды сіңіріп, иманды ұл, инабатты қыз  тәрбиелеу, сауатты болуына ықпал ету, иман сөзінің нақты мағынасын түсіндіру, имандылық туралы көзқарастарын дұрыс қалыптастыру.