Дебат-оқушылардың бәсекелестікке деген қабілетін арттыру

Дебат-оқушылардың бәсекелестікке деген қабілетін арттыру болып табылады.
Ойында қарсылас болсаңыздар да, өмірде дос болыңыздар. Әр пікірсайыс ойыны барысында ұстанатын ережеміз екені пікірсайысшыларға белгілі. Расында да, пікірталас уақытында ой қақтығысын туындатып, шешендігін көрсете білген оқушыларымыз өмірде шынайы достық пен татулықтың үлгісі деп айтсақ қателеспейміз. Өнерлі баланың дамуына оның ортасы да ықпалын тигізеді.Осы себепте біз оқушыларымызға өзге оқу орындарының Ұшқыр ойлы шешендерімен “Жолдастық кездесу” ұйымдастырған болатынбыз. 
Жолдастық кездесу үш мектеп арасында өтті. Атап айтатын болсам, Қарауылтөбе орта мектебі, Жетісу орта мектебі, Көкөзек орта мектебі. 
Әр мектептен келген балалар арасында тартысты пікірсайыс болып,
оқушылар арасында үш тақырып бойынша қызу пікірталас болды.
Тақырыптарды атап өтетін болсам: “Бұл палата Отандық өндірісті қолдайды”, 
“Бұл палата волонтердің еңбегі ақысы төлену керек деп есептейді” және
“Бұл палата туған елде тұрып, жұмыс істеуді дарынды жастардың таңдауы деп есептейді”.
Қарарларды жан-жақты зерттеген оқушылар бұл сайыста өздерінің озық ойларын, дәйекті сөздері ашық дәлелдеді.