Күзгі демалыс уақытындағы қауіпсіздік» тақырыбында жалпы ата-аналар жиналысы

Қарауылтөбе орта мектебінде ата-аналармен профилактикалық кездесу өтті.
23 қазан күні Қарауылтөбе орта мектебінде Ата-аналарды педагогикалық қолдау орталығы (АПҚО) аясында «Күзгі демалыс уақытындағы қауіпсіздік» тақырыбында жалпы ата-аналар жиналысы ұйымдастырылды.
Іс-шараның мақсаты – оқушылардың күзгі демалыс кезеңінде өмір қауіпсіздігін қамтамасыз ету, ата-аналардың бала тәрбиесіндегі жауапкершілігін арттыру және қауіптің алдын алу шараларын түсіндіру болды.
Жиналысқа бірқатар құзырлы орган өкілдері қатысып, түсіндірме жұмыстарын жүргізді:
Қоғамдық қауіпсіздік бөлімшесі – тұрмыстық және көшедегі қауіпсіздік ережелері туралы;
Денсаулық сақтау басқармасы – оқушылардың денсаулығын сақтау мен жұқпалы аурулардың алдын алу жөнінде;
Есірткіге қарсы іс-қимыл басқармасы – зиянды әдеттер мен олардың зардабы туралы;
Психологиялық қолдау орталығы – ата-ана мен бала арасындағы сенімді қарым-қатынастың маңызын атап өтті.
Жиын соңында ата-аналарға балалардың демалыс уақытын тиімді және қауіпсіз өткізу бойынша жадынамалар таратылып, сұрақтарға жауап берілді.