«Ата-аналарды педагогикалық қолдау» орталығы құрылды

#біртұтас_тәрбие
#sarkan_bilim
#zetisy_bilim_baskarmasy
@almas_baigunusov
@jasulan_beitek
Қарауылтөбе орта мектебінде ҚР Оқу-ағарту министрлігі « Адамның үйлесімді дамуы ұлттық институты» және Жетісу облысының білім басқармасы ММ 2023 жылғы 12 қазандағы №1423-н бұйрығын басшылыққа ала отырып, «Ата-аналарды педагогикалық қолдау» орталығы құрылды. Орталық қызметті бақылауды ұйымдастыру директордың тәрбие жөніндегі орынбасары А.Абзалбековаға жүктелді. Сонымен бірге, қызметті ұйымдастыруда әлеуметтік педагог, психолог және сынып жетекші комиссия құрамына енгізілді. Ұсынылған бағдарламаға сәйкес оқу жылына арналған сабақ кестесі жасақталды.
Мектеп директоры К.С.Кыдырманова ата аналарды қолдау орталығының жұмысының жоспарының мазмұнымен таныстырды.
Педагогикалық қолдау орталығының мақсаты: балалардың әл-ауқатын қамтамасыз етуде мектеп пен ата-аналар арасындағы тиімді өзара іс-қимыл үшін жағдайларды қамтамасыз ету.
Құрметті ата- аналар, өздеріңізге белгілі бала тәрбиесі қазіргідей заман ағымында кейбір қиындықтар туғызуда, осыған байланысты аталған орталықтың сіздерге берері көп.
Орталықтың қызметі балаларды тәрбиелеу және дамыту мәселелерінде ата-аналардың және балалардың басқа да заңды өкілдерінің құзыреттерін қалыптастыруға бағытталған. Орталықта ата-аналар интерактивті режимде балаларымен нақты позитивті қарым-қатынас жасауды, олардың психологиялық, эмоционалдық жағдайын түсінуді үйренеді, бұл балалар мен ата-аналар арасындағы қарым-қатынастың бұзылуы сияқты күрделі мәселенің туындамауына көмектеседі.
Ата-аналарды педагогикалық қолдау бағдарламаларының мазмұны ұлттық құндылықтарға, балалар әл-ауқатының теориялық негіздеріне сүйенеді, олардың жас ерекшеліктерін ескереді. Құрметті ата-ана! Әр жұма күні мектебімізде біз сіздерге әрқашанда қолдау білдіруге, ашық диалог құруға дайынбыз. Сіздерді күтеміз!