Ата-аналарды педагогикалық қолдау орталығы ашылды.

Бүгін 30.10.2023 жылы Қарауылтөбе орта мектебінде жаңа оқу жылындағы ерекшеліктердің бірі мектеп пен отбасы,ата-ана мен сынып жетекші арасындағы балаларды тәрбиелеу мен дамытудағы өзара іс-қимылды нығайту мақсатында "Ата-аналарды педагогикалық қолдау орталығы "ашылды. ДТІЖО А.Абзалбекова мақсаты мен міндеттерімен,жұмыс жоспарымен таныстырды. Сонымен қатар "Даналық мектебі» клубы: «Әжелер мектебі», «Аналар мектебі», «Әкелер мектебі», "Ағалар", "Жеңгелер" клубының жұмыстарымен де таныстырылып,
осы клубқа ата-аналар тартылатындығы жөнінде айтты.
Орталықтың мақсаты: қазақстандық балалардың әл-ауқатын позитивті ата-ана болу мәдениетін дамыту арқылы қамтамасыз ету;
Орталықты ашу туралы мектеп директорының бұйрығы шығарылып, жұмыс тобы құрылды. .
Мектеп психологы Д. Құттыбек шара барысында ата-аналарға арналған "Достық" тренингін жүргізді.
Ата-аналар орталықтың ашылу салтанатына қатысып,шашуларын шашып,әдемі тілектерін қуана жеткізді.Мектеп пен ата-ананың байланысын одан әрі арттыратын аталмыш орталықтың маңызы зор. Ата-аналар өз пікірлерін білдіріп, жаңа бастамаға сәттілік тіледі.
Ең бірінші мәселе ұрпақ тәрбиесіне ұстаз бен ата-ана бірігіп, “Біртұтас тәрбие” беру.