Жүзден жүйрік, мыңнан тұлпар...

«Арыстандай айбатты,
Жолбарыстай қайратты.
Қырандай күшті қанатты,
Мен жастарға сенемін»- деп Мағжан Жұмабаев атамыздың өлеңінде жастарға деген үлкен үміт, зор сезім байқалады.
Тұғыры биік еліміздің ертеңі бүгінгісінен де жарқын болуы – рухы асқақ, өресі биік, білімді де талантты ұрпақ қолында.Олай болса, ғылым мен білімді ең басты қазынам, байлығым деп есептеп, білімнің ең биік шыңдарын бағындыруға жасаған қадамдардың бірін Қарауылтөбе орта мектебінің 11- сынып оқушысы Копбаева Гүлім.– «Зерде» интеллектуалды телеойынында миллионер атанып дәлелдеді.Бұл жүлде үлкен еңбекпен, ізденіспен, шығармашылықпен, шыдамдылықпен, төзімділіктің арқасында келген жеңіс. Гүлімнің бұл белесті бағындыруға бағыт беріп,терең білім алуына,шыңдалуына,жол сілтеген Қарауылтөбе орта мектебінің ұстаздарының еңбегі ұшан-теңіз!!! «Жеке дарын жетілмейді, дарындар сайыса жүріп, бірін-бірі жетелейді» дегендей, Гүлім мектебіміздің мақтанышы. Елбасы Нұрсұлтан Әбішұлы Назарбаев «Еңселі елдің ертеңі – кемел білім мен ғылымда»,- деп атап көрсеткендей, бүгінгі қоғам білім мен ғылымды игеру жолында үздіксіз ізденуді талап етіп отыр.
Білім сайысында ұстаздарының артқан сенім биігінен көріне білген Гүлімге сәттіліктер мен толағай табыстар тілейміз!