Төрт тоқсан - төрт өнер жобасы.

Төрт тоқсан - төрт өнер жобасы. Ұлттық құндылықты насихатау бойынша 16 - қазан күні бір күн қазақша киім кию күні өтті.
Ұлттық құндылықтарымызды дәріптейік!
Ұлттық құндылықтар – әрбір ұлттың болмысында ғасырлар бойы атадан балаға мирас болып келе жатқан адамгершілік қағидаттары. Ғасырдан ғасырға жеткен халықтың қазынасы – тілі, салт-дәстүрі, әдебиеті мен өнері ұлтымыздың рухани байлығы. Сол ұлттық құндылықтарымыздың арқасында біз өзіміздің ұлттық қалпымызды сақтап, әлемге танылып отырмыз. Сондықтан да кешеден бүгінге сол құндылықтарымыз қалай жетті, ертеңгі күнге жеткізе аламыз ба? – деп алаңдауымыз керек.
Абай: «Адамды заман билемек, заманға жаман күйлемек»- дейді. Бұл әлемдік даму жолын түсінуге мүмкіндік береді. Біз үшін ұлттық бірегейлігімізді және рухани ерекшелігімізді сақтап қалу аса маңызға ие. Болашаққа рухы биік, әлем мәдениетімен бәсекеге түсе алатындай белес тұр. Бұл ең маңызды мәселелердің бірі.
Әр дүйсенбілік жиын,дәстүрлі түрде Мемлекеттік Гимнмен басталады. Ұлттық киімімізді насихаттап, дәріптеу мақсатында мектебіміздің білім берушілері мен білім алушылары ұлттық нақыштағы киімдермен келетін болады. Бұл керемет бастама!