Мектеп оқушылары арасында құқық бұзушылықтың алдын алу

Мектеп оқушылары арасында құқық бұзушылықтың алдын алу мақсатында әр жыл сайын айлық іс-шара жоспары жасалынып бекітіледі. Жоспар бойынша ай сайын және айлық жоспар бойынша түрлі әдістер мен іс-шаралар өткізіледі. Олар: дөңгелек үстел, пікірталас, тәрбие сағаттары, құқық бұзушылық қызметкерлерімен кездесулер өткізіліп отырады. Осы жоспар бойынша тек құқық бұзушылық қана емес, сонымен қатар патриоттық, адамгершілік, талғамдық тәрбиеге қатысты жұмыстар атқарылуда. Бүгін жоғары сынып оқушыларымен "Құқық бұзушылықтың алдын алу,бопсалауға" қарсы жиын өткізілді.
Оқушылардың құқық бұзушылығының алдын алу мақсатында болған жиында балалар өз ойларымен еркін бөлісті. Оқушы құқығы мен міндеттері жайлы сұрақ қойып,мектеп президенті Сахбек  Анельдің түсіндірме жұмыстарына құлақ салды.
Егер жасөспірім өзіне немесе басқаларға қауіп төндіретінін сезсе, "Сенім телефоны"арқылы көмек сұрай алатынын айтты.
Жалпы адамдарды өз-өзіне қол жұмсауға не итермелейді? Жасөспірімдер арасындағы суицид мәселесі. Бұл мәселемен қалай күресу керек? -деген сұрақтарға да жауап іздеп оқушылармен  пікір бөлістік.