10
ноябрь
2023
«Дана ене, дара келін, зерек бала» облыстық отбасылық байқау
Бүгін 10 қараша күні Талдықорған қаласының «Мүшелтой» аула клубы» қоғамдық бірлестігінің ұйымдастыруымен Талдықорған қаласының Оқушылар сарайында Жетісу облысының мектептері арасында «Дана ене, дара келін, зерек бала» байқауы өткізілді. Мақсаты: Отбасының ұйтқысы саналатын ене мен келіннің сыйластығын нығайту, қоғамдағы рөлін арттыру.
Байқауға қатысқан ене мен келін қазақ халқының салт-дәстүрлері мен әдет-ғұрпын дәріптеуде, отбасылық құндылықтарды нығайтуда салт дәстүрлерге байланысты бейнероликтер көрсетіп, жағдаятты сұрақтарға жауап берді. Ұрпақтар арасындағы байланысты нығайту мақсатында ене мен келін, бала арасында өнер көрсетілді. Байқауға Жетісу облысы бойынша 15 команда қатысып, бақтарын сынады.Байқау нәтижесінде ата-бабамыздан ұрпақтан-ұрпаққа беріліп келе жатқан ұлттық тәрбиені, ұмыт болып бара жатқан түрлі салт-дәстүрлерді көрсетті. Байқаудың нәтижесі бойынша Қарауылтөбе орта мектебінің "Өнегелі отбасы" командасы 25 мың сертификатпен марапатталып, облыстық білім басқармасының мақтау қағазымен марапатталды. "Өнегелі отбасы" командасының қатысушылары мектебіміздің биология пәнінің мұғалімі Тайменкенова Сауле, келіні Саяхмет Лаура, қызы Құттыбек Дариға.
Жетекшісі директордың тәрбие ісі жөніндегі орынбасары А. Абзалбекова алғыс хатпен марапатталды.
Жеңісті күндеріңіз көп болсын!
#Біртұтас_тәрбие
#sarkan_bilim
#zetisy_bilim_baskarmasy
@almas_baigunusov
@jasulan_beitek